Ijtimoiy tarmoqlarda Toshkent viloyatining Ohangaron tumani hududida yong‘in yuzaga kelgani haqida xabar va holat aks etgan video tarqaldi. Tuman hokimligi bu xabarni tasdiqlab, holat yuzasidan ma’lumot berdi.
Unda aytilishicha, haqiqatan ham, tumanning “Toshariq” MFY va Ohangaron daryosi oralig‘idagi, o‘rmon xo‘jaligi hududida yong‘in kelib chiqqan. Ayni paytda yong‘in sodir bo‘lgan joyga tuman Favqulodda vaziyatlar bo‘limining 45 nafar xizmatchisi hamda O‘rmon xo‘jaligining 20 nafar xodimi yetib kelib, yong‘inning oldi to‘silgan.
“Yong‘in o‘t o‘chiruvchi maxsus texnikalar kira olmaydigan hududda bo‘lganligi sababli, o‘chirish ishlari asosan qo‘lda olib borilmoqda. Yong‘inning kelib chiqish sababi hamda ishlar yakuni bo‘yicha qo‘shimcha axborot beriladi”, — deyiladi hokimlik xabarida.
Izoh (0)