Afg‘oniston janubida vabo kasalligi oqibatida bir kecha-kunduzda 40 kishi vafot etgani haqida xabar berilgan edi. Sanitariya-epidemiologiya xizmati ushbu kasallikning kirib kelishini oldini olishda ko‘rilayotgan choralar haqida ma’lumot berdi.
Qayd etilishicha, kasalliklarni chetdan kirib kelishini oldini olish maqsadida respublika bo‘yicha bugungi kunda davlat chegaralarini kesishish joylarida 54 ta sanitariya-karantin punktlari (SKP) faoliyat ko‘rsatib kelmoqda. Shulardan 36 tasi avtomagistral yo‘llarida, 11 tasi xalqaro aeroportlarda, 6 tasi temiryo‘l va 1 tasi daryo portida tashkil etilgan.
O‘zbekiston hududiga chegaradan kirib kelayotgan yo‘lovchilarni tibbiy-sanitariya ko‘rigini yaxshilash maqsadida barcha xalqaro aeroportlar va avtomagistral yo‘llarda joylashgan yo‘lovchi o‘tish oqimi yuqori bo‘lgan SKPlar zamonaviy teplovizorlar va kontaktsiz termometr (pirometr)lar bilan yetarlicha ta’minlangan.
Shuningdek, ma’lum qilinishicha, yuqumli kasalliklar shifoxonalarida, oral-regidratatsiya punktlarida o‘tkir diareyaga chalingan bemorlarni sog‘liqni saqlash vazirining amaldagi buyruqlari talablari asosida vaboga tekshirilishi tashkil etilgan.
Kasallikning mavsumida har bemorlar yuzasidan chuqur epidemiologik surishtiruv ishlari o‘tkazilmoqda. Sanitariya-epidemiologiya xizmatining maxsus laboratoriyalari vabo kasalligini tashhisoti bo‘yicha kerakli jihozlar, reaktivlar va ozuqa muhitlari bilan yetarli miqdorda ta’minlangan. Laboratoriya mutaxassislarini qayta tayyorgarlikdan o‘tkazilgan.
Har hafta ochiq suv xavzalaridan namunlar olib, vabo chaqiruvchilariga tekshirilishi amalga oshirib kelinmoqda (NAG va AG vibrionlarga). Kasallikka chalingan (gumon qilingan) bemorlarni yuqumli kasalliklar shifoxonasiga yotqizish maqsadida shifo-o‘rinlari zaxirasi tashkil etilgan. Vabo kasalligiga chalingan bemorlarini davolash ishlarini tashkil etish uchun zarur dori vositalari zaxirasini yaratilgan.
Bundan tashqari, davlat chegara-bojxona postlaridagi sanitariya-karantin punktlari tomonidan kasallanish tarqalgan qo‘shni dalvatlardan tashrif buyuradigan fuqarolarning tibbiy nazorati kuchaytirilgan.
Vabo — vibrio cholerae mikroorganizmi keltirib chiqaradigan, o‘tkir infeksiya. Kasallik diareya bilan kechadi, bu suvsizlanish va qon tomirlari yetishmovchiligini keltirib chiqaradi. Ko‘pincha infeksiya ifloslangan suv yoki dengiz mahsulotlari orqali yuqadi.
Izoh (0)