Ижтимоий тармоқларда Тошкент вилоятининг Оҳангарон тумани ҳудудида ёнғин юзага келгани ҳақида хабар ва ҳолат акс этган видео тарқалди. Туман ҳокимлиги бу хабарни тасдиқлаб, ҳолат юзасидан маълумот берди.
Унда айтилишича, ҳақиқатан ҳам, туманнинг «Тошариқ» МФЙ ва Оҳангарон дарёси оралиғидаги, ўрмон хўжалиги ҳудудида ёнғин келиб чиққан. Айни пайтда ёнғин содир бўлган жойга туман Фавқулодда вазиятлар бўлимининг 45 нафар хизматчиси ҳамда Ўрмон хўжалигининг 20 нафар ходими етиб келиб, ёнғиннинг олди тўсилган.
«Ёнғин ўт ўчирувчи махсус техникалар кира олмайдиган ҳудудда бўлганлиги сабабли, ўчириш ишлари асосан қўлда олиб борилмоқда. Ёнғиннинг келиб чиқиш сабаби ҳамда ишлар якуни бўйича қўшимча ахборот берилади», — дейилади ҳокимлик хабарида.
Изоҳ (0)