Toshkent shahri Uchtepa tumanida tadbirkorning 460,8 mln so‘mlik mulkini o‘zlashtirgan menejer aniqlandi.
Bosh prokuratura huzuridagi departamentning Uchtepa tuman bo‘limi tomonidan tadbirkorlik subyektlarining huquqlarini himoya qilish yuzasidan o‘tkazilgan tergovga qadar tekshiruvda, “D.B.” MCHJ sobiq menejeri S.S. korxonaning turli markadagi beton mahsulotlarini naqd pulga sotib, sotuvdan tushgan 460,8 mln so‘mni o‘z ehtiyojlari uchun sarflab talon-toroj qilganligi va ushbu mablag‘lar hisobidan Spark rusumli avtotransport vositasini sotib olib, jinoiy faoliyatdan olingan daromadlarini legallashtirganligi aniqlangan.
Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) va 243-moddasi (jinoiy faoliyatdan olingan daromadlarni legallashtirish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)