Farg‘ona viloyati Quvasoy tumanida o‘zi ishlaydigan Paynet shoxobchasining pullarini totalizatorga tikib yuborgan shaxs ushlandi.
Fuqaro H.J IIBga murojaat qilib, unda 2022-yil 30-mart kuni noma’lum shaxs H.Olimjon mahalla hududida joylashgan kompyuter xizmati servisida ishlashini aytib xizmat ko‘rsatishi uchun xizmat haqqini plastik kartasiga o‘tkazib berishini aytib tegishli bank tomonidan berilgan plastik kartasida bo‘lgan jami 552 750 so‘m pullarini yechib olganligini bildirgan.
Mazkur holat yuzasidan Quvasoy shahar IIB huzuridagi tergov bo‘limi tomonidan Jinoyat kodeksining 168-moddasi 2-qismi “v” bandi (firibgarlik) bilan jinoyat ishi qo‘zg‘atilgan.
Farg‘ona viloyati IIB TQXB xodimlari va Quvasoy shahar IIB JQB xodimlari tomonidan olib borilgan tezkor surishtiruv ishlari davomida, fuqaro H.J o‘zi ishlab kelayotgan Paynet shoxobchasiga tegishli bo‘lgan 552 750 so‘m pullarni 1Xbet ilovasi orqali ishlatib yuborib, Paynetdagi kamomadni yashirish maqsadida IIBga murojaat qilib, yolg‘on xabar berganligi aniqlangan. H.J Jinoyat kodeksining 168-moddasi 2-qismi bilan gumon qilinuvchi tariqasida ishtirok etishga jalb qilinib tergov harakatlari olib borilmoqda.
Yuqorida ko‘rsatilgan jinoyatni sodir etgan shaxs besh yilgacha ozodlikdan mahrum qilish bilan jazolanishi mumkin.
Izoh (0)