Фарғона вилояти Қувасой туманида ўзи ишлайдиган Paynet шохобчасининг пулларини тотализаторга тикиб юборган шахс ушланди.
Фуқаро Ҳ.Ж ИИБга мурожаат қилиб, унда 2022 йил 30 март куни номаълум шахс Ҳ.Олимжон маҳалла ҳудудида жойлашган компьютер хизмати сервисида ишлашини айтиб хизмат кўрсатиши учун хизмат ҳаққини пластик картасига ўтказиб беришини айтиб тегишли банк томонидан берилган пластик картасида бўлган жами 552 750 сўм пулларини ечиб олганлигини билдирган.
Мазкур ҳолат юзасидан Қувасой шаҳар ИИБ ҳузуридаги тергов бўлими томонидан Жиноят кодексининг 168-моддаси 2-қисми «в» банди (фирибгарлик) билан жиноят иши қўзғатилган.
Фарғона вилояти ИИБ ТҚХБ ходимлари ва Қувасой шаҳар ИИБ ЖҚБ ходимлари томонидан олиб борилган тезкор суриштирув ишлари давомида, фуқаро Ҳ.Ж ўзи ишлаб келаётган Paynet шохобчасига тегишли бўлган 552 750 сўм пулларни 1Xbet иловаси орқали ишлатиб юбориб, Paynetдаги камомадни яшириш мақсадида ИИБга мурожаат қилиб, ёлғон хабар берганлиги аниқланган. Ҳ.Ж Жиноят кодексининг 168-моддаси 2-қисми билан гумон қилинувчи тариқасида иштирок этишга жалб қилиниб тергов ҳаракатлари олиб борилмоқда.
Юқорида кўрсатилган жиноятни содир этган шахс беш йилгача озодликдан маҳрум қилиш билан жазоланиши мумкин.
Изоҳ (0)