“Yangihayot” industrial texnoparki direksiyasi E-auksion platformasida texnopark hududidagi yer uchastkalari savdosi davom etayotganini ma’lum qiladi.
“Yangihayot” industrial texnoparki O‘zbekiston Respublikasi Prezidentining 2021-yil 4-fevraldagi “Toshkent shahrida ‘Yangihayot’ industrial texnoparkini tashkil etish chora-tadbirlari to‘g‘risida”gi qaroriga asosan tashkil etildi. Texnopark Toshkent shahrining sanoat va eksport salohiyatini oshirish, yangi turdagi raqobatbardosh sanoat mahsulotlarini ishlab chiqarishni kengaytirish, iqtisodiyot tarmoqlariga zamonaviy texnologiyalarni joriy etish, shu asosda aholini yuqori daromadli ish joylari bilan ta’minlash maqsadida tashkil etilmoqda.
Texnopark Yangihayot tumanidagi 210 gektar yer maydonida barpo etiladi. Barcha yer uchastkalari kimoshdi savdosi yo‘li bilan sotiladi.
“Yangihayot” industrial texnoparki Toshkent shahrining Yangihayot tumanidagi “Xo‘ja Uchqun”, “Jaloyiq” va “Gulzor” mahallalari tutashgan hududda joylashgan. Texnoparkka yaqin joyda 4R21 aylanma yo‘li mavjud bo‘lib, u orqali majmua rezidentlari asosiy transport magistrallari — Toshkent halqa yo‘li, M39 shaharlararo avtomobil yo‘li va Ohangaron shossesiga bemalol yetib olishlari mumkin. Asosiy transport yo‘llariga yaqinligi hamda ushbu yo‘llar orqali qulay tarzda majmuaga kirib borish mumkinligi loyihaga yaqqol ustunlik beradi.
Infratuzilma
“Yangihayot” industrial texnoparki hududida sotuvga qo‘yilgan barcha yer uchastkalari muhandislik kommunikatsiyalari tizimlariga ulanadi va avtomobil transporti tarmog‘iga chiqish imkoniga ega bo‘ladi. Yuk avtomobillari uchun maxsus hudud va yengil avtomobillar uchun obodonlashtirilgan avtoturargohlarni qurish, xizmat ko‘rsatish obyektlari faoliyatini tashkil etish rejalashtirilgan.
Texnopark faoliyatining ustuvor yo‘nalishlari
Texnopark faoliyatining ustuvor yo‘nalishi yuqori texnologiyali, innovatsion, ilm-fan yutuqlariga asoslangan, eksportga yo‘naltirilgan va ekologik jihatdan toza ishlab chiqarish korxonalarini tashkil etishdan iborat. Texnopark hududida quyidagi yo‘nalishlardagi sanoat korxonalari uchun sharoitlar yaratiladi:
- qurilish materiallarini ishlab chiqarish;
- oziq-ovqat sanoati;
- elektrotexnika sanoati;
- yengil sanoat;
- og‘ir sanoat;
- logistika markazlari.
Hech shubhasiz, “Yangihayot” texnoparkida faoliyat yuritish — bu biznes kelajagiga sarmoya kiritish.
Lotlar
“Yangihayot” industrial texnoparki hududidagi barcha yer uchastkalari faqatgina E-auksion elektron savdo platformasi orqali kimoshdi savdosi yo‘li bilan sotiladi.
2022-yil 1-iyuldan boshlab, texnopark hududidagi yer uchastkalarini 12 oylik muddatli to‘lov asosida xarid qilish mumkin.
Yer uchastkalari haqida batafsil ma’lumotlarni E-auksion elektron savdo platformasida bilib olsa bo‘ladi.
Batafsil ma’lumotlar uchun “Yangihayot” industrial texnoparki direksiyasiga murojaat qilish mumkin.
Axborot markazi: +99895 501 70 70
Facebook: https://www.facebook.com/yangihayottexnopark
Instagram: https://www.instagram.com/yangihayot.uzb/
Telegram: https://t.me/yangihayot_texnopark
Reklama huquqi asosida.
Izoh (0)