«Yangihayot» индустриал технопарки тадбиркорлар учун янги имкониятларни тақдим этади

«Yangihayot» индустриал технопарки дирекцияси E-auksion платформасида технопарк ҳудудидаги ер участкалари савдоси давом этаётганини маълум қилади.

«Yangihayot» индустриал технопарки Ўзбекистон Республикаси Президентининг 2021 йил 4 февралдаги «Тошкент шаҳрида ‘Yangihayot’ индустриал технопаркини ташкил этиш чора-тадбирлари тўғрисида»ги қарорига асосан ташкил этилди. Технопарк Тошкент шаҳрининг саноат ва экспорт салоҳиятини ошириш, янги турдаги рақобатбардош саноат маҳсулотларини ишлаб чиқаришни кенгайтириш, иқтисодиёт тармоқларига замонавий технологияларни жорий этиш, шу асосда аҳолини юқори даромадли иш жойлари билан таъминлаш мақсадида ташкил этилмоқда.

Технопарк Янгиҳаёт туманидаги 210 гектар ер майдонида барпо этилади. Барча ер участкалари кимошди савдоси йўли билан сотилади.

«Yangihayot» индустриал технопарки Тошкент шаҳрининг Янгиҳаёт туманидаги «Хўжа Учқун», «Жалойиқ» ва «Гулзор» маҳаллалари туташган ҳудудда жойлашган. Технопаркка яқин жойда 4R21 айланма йўли мавжуд бўлиб, у орқали мажмуа резидентлари асосий транспорт магистраллари — Тошкент ҳалқа йўли, М39 шаҳарлараро автомобиль йўли ва Оҳангарон шоссесига бемалол етиб олишлари мумкин. Асосий транспорт йўлларига яқинлиги ҳамда ушбу йўллар орқали қулай тарзда мажмуага кириб бориш мумкинлиги лойиҳага яққол устунлик беради.

Инфратузилма

«Yangihayot» индустриал технопарки ҳудудида сотувга қўйилган барча ер участкалари муҳандислик коммуникациялари тизимларига уланади ва автомобиль транспорти тармоғига чиқиш имконига эга бўлади. Юк автомобиллари учун махсус ҳудуд ва енгил автомобиллар учун ободонлаштирилган автотураргоҳларни қуриш, хизмат кўрсатиш объектлари фаолиятини ташкил этиш режалаштирилган.

Технопарк фаолиятининг устувор йўналишлари

Технопарк фаолиятининг устувор йўналиши юқори технологияли, инновацион, илм-фан ютуқларига асосланган, экспортга йўналтирилган ва экологик жиҳатдан тоза ишлаб чиқариш корхоналарини ташкил этишдан иборат. Технопарк ҳудудида қуйидаги йўналишлардаги саноат корхоналари учун шароитлар яратилади:

1. қурилиш материалларини ишлаб чиқариш;
2. озиқ-овқат саноати;
3. электротехника саноати;
4. енгил саноат;
5. оғир саноат;
6. логистика марказлари.

Ҳеч шубҳасиз, «Yangihayot» технопаркида фаолият юритиш — бу бизнес келажагига сармоя киритиш.

Лотлар

«Yangihayot» индустриал технопарки ҳудудидаги барча ер участкалари фақатгина E-auksion электрон савдо платформаси орқали кимошди савдоси йўли билан сотилади.

2022 йил 1 июлдан бошлаб, технопарк ҳудудидаги ер участкаларини 12 ойлик муддатли тўлов асосида харид қилиш мумкин.

Ер участкалари ҳақида батафсил маълумотларни E-auksion электрон савдо платформасида билиб олса бўлади.

Батафсил маълумотлар учун «Yangihayot» индустриал технопарки дирекциясига мурожаат қилиш мумкин.

Ахборот маркази: +99895 501 70 70

Facebook: https://www.facebook.com/yangihayottexnopark

Instagram: https://www.instagram.com/yangihayot.uzb/

Telegram: https://t.me/yangihayot_texnopark

Реклама ҳуқуқи асосида.