Buxoro shahridagi xonadonlardan birida ijarada yashab, bir qiz va ikki nafar yigitning jinsiy aloqa qilishiga sharoit yaratib bergan ayol qo‘lga olindi. Bu haqda “Daryo”ga viloyat IIB matbuot xizmati rahbari Shuhrat Jalolov xabar berdi.
Ta’kidlanishicha, Buxoro shahrining Piri Dastgir ko‘chasidagi xonadonlardan birida vaqtinchalik ijarada yashab kelgan J.M. bir qiz va ikki yigitning jinsiy aloqa qilishi uchun sharoit yaratib berib, evaziga 400 ming so‘m pul olgan.
Ushbu xonadondagi axloqsizlikdan xabar topgan qo‘shnilar Buxoro shahar IIB xodimlariga xabar bergan. IIB xodimlari tomonidan zudlik bilan tezkor-profilaktik tadbir o‘tkazilgan. Tadbirda ayol J.M.ning bir qiz va ikki yigitning hufyona uchrashuviga sharoit yaratib berishi va buning evaziga yigitlarning har biridan 200 ming so‘mdan pul olgani aniqlangan.
Mazkur holat yuzasidan Jinoyat kodeksining 131-moddasi 2-qismi bilan (qo‘shmachilik qilish yoki fohisha saqlash) jinoyat ishi qo‘zg‘atilib, hozirda dastlabki tergov harakatlari olib borilmoqda.
Izoh (0)