Бухоро шаҳридаги хонадонлардан бирида ижарада яшаб, бир қиз ва икки нафар йигитнинг жинсий алоқа қилишига шароит яратиб берган аёл қўлга олинди. Бу ҳақда «Дарё»га вилоят ИИБ матбуот хизмати раҳбари Шуҳрат Жалолов хабар берди.
Таъкидланишича, Бухоро шаҳрининг Пири Дастгир кўчасидаги хонадонлардан бирида вақтинчалик ижарада яшаб келган Ж.М. бир қиз ва икки йигитнинг жинсий алоқа қилиши учун шароит яратиб бериб, эвазига 400 минг сўм пул олган.
Ушбу хонадондаги ахлоқсизликдан хабар топган қўшнилар Бухоро шаҳар ИИБ ходимларига хабар берган. ИИБ ходимлари томонидан зудлик билан тезкор-профилактик тадбир ўтказилган. Тадбирда аёл Ж.М.нинг бир қиз ва икки йигитнинг ҳуфёна учрашувига шароит яратиб бериши ва бунинг эвазига йигитларнинг ҳар биридан 200 минг сўмдан пул олгани аниқланган.
Мазкур ҳолат юзасидан Жиноят кодексининг 131-моддаси 2-қисми билан (қўшмачилик қилиш ёки фоҳиша сақлаш) жиноят иши қўзғатилиб, ҳозирда дастлабки тергов ҳаракатлари олиб борилмоқда.
Изоҳ (0)