Namangan viloyati Davlatobod tumanida 11-iyul kuni yo‘l-patrul xizmati xodimining xizmat mashinasi boshqa mashinaga urildi. Bu haqda viloyat Yo‘l harakati xavfsizligi boshqarmasi xabar qildi.
Qayd etilishicha, shu kuni soat 19:00 da Davlatobod tumanida xizmatga jalb etilgan YPX inspektoriga biriktirilgan Lacetti xizmat avtomashinasi o‘zi bilan bir yo‘nalishda harakatlanib kelayotgan Nexia avtomobilining o‘ng yon tomoniga borib urilgan.
YTH oqibatida har ikki avtomobil texnik shikastlangan. Haydovchi va yo‘lovchilar orasida jarohat olganlar yo‘q.
Holat yuzasidan tekshiruv harakatlari olib borilmoqda.
Izoh (0)