Farg‘ona shahrida Nexia mashinasida qoida buzgan YPX xodimiga chora ko‘rildi. Bu haqda viloyat IIB YHXB axborot xizmati ma’lum qildi.
Ma’lum qilinishicha, ijtimoiy tarmoqlarda viloyat IIB YHXB yo‘l-patrul xizmati inspektori boshqaruvida bo‘lgan davlat raqami 40 O 788 UA bo‘lgan Nexia avtomashinasi yo‘l harakati qoidalarini buzgani aks etgan videolar tarqatilgan.
Ushbu holat Farg‘ona viloyati IIB YHXB tomonidan o‘rganilganda 40 O 788 UA bo‘lgan Nexia haydovchisi yo‘l harakati qoidalariga amal qilmasdan, yo‘lning qatnov qismidagi chiziqlar bilan belgilab qo‘yilgan talablarga rioya etmasdan harakatlangani aniqlangan.
Joriy yilning 6-iyul kuni YPX inspektoriga nisbatan Ma’muriy javobgarlik to‘g‘risidagi kodeksning 128-moddasi 1-qismi tartibida bayonnoma rasmiylashtirilgan bo‘lib, u 150 ming so‘m miqdorida jarimaga tortilgan.
Izoh (0)