Самарқанд шаҳар қўриқлаш бўлими ходимлари томонидан ўзини Зарафшон дарёси кўпригидан ташламоқчи бўлган 18 ёшли қизнинг ҳаёти сақлаб қолинди.
Вилоят ҳокимлиги матбуот хизматининг маълум қилишича, қиз 11 июль куни соат 15:03 лар атрофида Самарқанд шаҳар қўриқлаш бўлими 3-отряди ходимлари томонидан қўриқланаётган Зарафшон дарёси устидаги тоифаланган кўприкда номаълум сабабларга кўра ўзини сувга ташламоқчи бўлган.
Миллий гвардия Қўриқлаш хизмати ходимлари бу ҳолатни кўриб, зудлик билан қизни ушлаб қолишга эришган ва нохуш ҳолатнинг олди олинган. Маълум бўлишича, қизнинг бу қарорга келишига оилавий муҳитнинг носоғломлиги сабаб бўлган.
Ҳозирда ушбу ҳолат юзасидан ҳудудий ички ишлар бўлими ходимлари томонидан суриштирув ишлари олиб борилмоқда.
Изоҳ (0)