Mashhurlik taniqli shaxslarga atrofdagilar bilan muloqot qilishni va munosabat o‘rnatishni cheklaydi. Ko‘plab mashhurlar muxlislarining bezovta qilishini yoqtirmaydi. Shuning uchun ham ular o‘z turmush o‘rtog‘ini hamkasblari yoki yaqin insonlari orasidan topadi. Biroq ba’zi mashhurlar bu holatdan mustasno tarzda o‘z muxlislari bilan oila qurgan.
Soso Pavliashvili va Irina Patlax
Soso Pavliashvili va Irina Patlax o‘rtasidagi munosabat bundan 20 yildan oldin, Irina o‘n olti yoshli maktab o‘quvchisi bo‘lgan paytda paydo bo‘lgan. Uning teatr studiyasi bo‘lgan Pionerlar saroyi Sosoning ovoz yozish studiyasi oldida joylashgan edi. Qiz xonandadan avtograf so‘rash uchun boradi. Sosoning aytishicha, Irina uni bir qarashda hayratda qoldirgan. Biroq qizning yomon odatlari yo‘q bo‘lmasa ham, nutqida odobsiz so‘zlarni ishlatmagan bo‘lsa ham, u xonandaga “bema’niroq” tuyulgan. Xonanda yosh Irinani o‘z jamoasiga taklif qiladi va u raqqosa, vokal yordamchisi bo‘lib ishlaydi.
Soso va Irina bir necha yil rasman turmush qurmasdan yashagan. Shundan keyin 2014-yilda xonanda sevgilisiga sahnada turib turmush qurishni taklif qiladi. Ularning pasportiga haligacha muhr qo‘yilmagan, biroq juftlik 2020-yilda yashirincha turmush qurgan. Soso va Irinaning Liza va Sandra ismli qizlari bor. Soso har doim umr yo‘ldoshi haqida muhabbat bilan gapiradi va ko‘plab intervyularida Irina tom ma’noda uning hayotini saqlab qolganini aytadi.
Bu juftlikning munosabatlari romantik-komediya sujetiga o‘xshaydi. Mettning hamkasblari 2003-yilda “Sizga yopishib olgan” kinokartinasining suratga olish jarayonidan keyin aktyorni dam olishga taklif qiladi. U borishni uncha istamasa ham, rozi bo‘ladi. Dam olishda Deymonning muxlislari undan surat va avtograflar so‘raydi, natijada tartibsizlik yuzaga keladi. Aktyor muxlislardan qochib panjara ortiga yashirinadi. O‘sha kuni kechqurun Lusiana bufetda navbatchi bo‘ladi. Mettni bu yerda uchratgan bufetchi uning muxlisi ekanligini aytadi.
Ularning ikkalasi ham bu bir qarashdagi sevgi ekanligini tan olgan. O‘zining barmenlik mahoratini suratga olish maydonchasida sinab ko‘rgan aktyor qizga katta pul ishlashi uchun maslahat beradi. Juftlik o‘sha voqeadan keyin uchrasha boshlagan va oradan ikki yil o‘tib turmush qurgan. Mett Deymon va Luisiananing uchta qizi bor. Bundan tashqari, Lusiananing birinchi turmushidan ham bir qizi bor, Mett u qizni ham o‘z qaramog‘iga olgan.
Oleg Yakovlev va Aleksandra Kutsevol
Aleksandra Kutsevol maktab yillaridan “Ivanushki International” guruhiga muxlislik qilgan. Uning e’tiborini esa bu guruhdagi Oleg Yakovlev tortgan. U bir intervyusida Oleg uning uchun ideal erkak va yaxshi ota ekanligini aytgan. Qiz sevimli guruhining konsertlariga tez-tez tashrif buyurgan va rassomlarning avtograflarini olgan.
Aleksandra maktabni tugatganidan keyin telejurnalist sifatida faoliyatini boshlash uchun Nefteyuganskdan Moskvaga ko‘chib ketadi. Mish-mishlarga ko‘ra, Kutsevolning xonanda bilan uchrashishiga “Ivanushka” haqidagi film sababchi bo‘lgan. Oleg Yakovlev guruhni tark etgach, qiz uning prodyuseri bo‘ldi. Juftlik o‘n yildan ortiqroq birga yashagan.
Sibi Blajich yoshligidan Gollivudni orzu qilgan. Qiz aktrisalik sohasida yaxshi natijaga erishmaganidan keyin prodyuser yordamchisi va vaqt o‘tib Vinona Rayderning shaxsiy yordamchisi bo‘lib ishlaydi. Ular do‘st bo‘ladi. Sibi esa 1999-yildagi tadbirlarning birida Beylni uchratadi. O‘sha paytda aktyor sevgi, munosabatlarda o‘zgaruvchanligi va chiroyliligi bilan tanilgan edi. Kristian hech qachon rafiqasi bilan tanishish tafsilotlarini oshkor qilmagan, lekin bu birinchi qarashda sevgi ekanligini tan olgan.
Bir necha oy o‘tgach juftlik Las-Vegasga qochib ketadi va u yerdagi qarindoshlaridan yashirincha nikohdan o‘tadi. Kristian va Sibi 20 yildan ortiq birga yashab kelmoqda. Bu vaqt ichida juftlikning ikkita farzandi dunyoga kelgan va ular aktyorning so‘zlariga ko‘ra hayotidagi eng yaxshi sovg‘a bo‘lgan.
Igor Nikolayev va Yuliya Proskuryakova
Yuliya Proskuryakova bir necha bor Igor Nikolayevga muxlislik qilganini rad etgan. Biroq u xonandaning Novosibirskdagi konsertiga borgan. O‘sha paytda Yuliya notariusda ishlagan, ammo u katta sahnaga chiqishni orzu qilgan. Yuliya ko‘plab musiqiy televizion loyihalarda ishtirok etgan, ammo finalgacha chiqa olmagan. Konsertda Yuliyaning do‘sti unga musiqalarini Igor Nikolayevga ko‘rsatishi kerakligini aytadi. Qiz esa konsert tugaguncha xonandani kutadi va uni o‘z ishlari bilan tanishtirishga taklif qiladi. Xonanda charchagan bo‘lsa ham, bo‘lajak qo‘shiqchini tinglaydi va unga menejerining telefon raqamini berdi.
Ular o‘rtasidagi munosabatlar oradan bir necha yil o‘tgach, Yuliya Moskvaga ko‘chib o‘tgandan keyin boshlandi. Juftlik 2008-yilda “Yangi to‘lqin” nomli musiqiy tanlovda birga qo‘shiq kuylagan. Ularning to‘yi esa 2010-yilning kuzida bo‘lib o‘tgan. Xonanda yosh rafiqasi haqidagi salbiy munosabatlarga qaramay, 12 yildan beri u bilan birga yashaydi. Igor va Yuliyaning Veronika ismli qizi bor.
Patrik Dempsi va Jillian Fink
“Ehtiroslar akademiyasi” teleserialida doktor Shepard rolini o‘ynagan Patrik Dempsi 1994-yilda o‘z sevgisini topdi.
Soch turmagi va makiyaj ustasi Jillian ekranga chiqish uchun kelganlar ro‘yxatida mashhur aktyor Patrik Dempsining ismini ko‘rib ko‘ziga ishonmaydi. Fink o‘z ishini juda yaxshi ko‘rgan va u aktyorning kelganida hayratda qoladi.
Aktyor Jillian bilan yaqin munosabatda bo‘lishidan oldin bir necha bor unga sochini turmaklatish maqsadida murojaat qilgan. Vaqt o‘tib ular o‘rtasidagi do‘stlik sevgiga aylanadi. Juftlik rasman 1997-yilda, Patrik birinchi xotinidan ajrashish masalasini hal qilganidan keyin Jillian bilan turmush quradi. Ular bir muddat alohida yashagan bo‘lsa ham ajrashmagan. Patrik va Jillian uch farzandni tarbiya qilmoqda.
Mavzuga doir:
- Ajoyib suratlar: Anjelina Joli, Joni Depp, Kianu Rivz va boshqa mashhurlar birinchi rolini ijro etganda qanday ko‘rinishda bo‘lgan?
- Adel, Ember Xyord: ajrashgandan so‘ng sezilarli darajada qashshoqlashgan mashhurlar (foto)
- O‘zgalarning oilasini buzish evaziga o‘z baxtini qurgan mashhurlar (foto)
- Anjelina Joli, Liam Nison va filmlardagi qahramonlarining taqdirini takrorlagan boshqa mashhurlar (foto).
Izoh (0)