Janubiy Koreyaning eng yirik mudofaa pudratchilaridan biri Hanwha Defense NATO uchun ishonchli hamkorga aylanmoqchiligini e’lon qildi. Bu haqda Financial Times xabar bermoqda.
Kompaniya Yevropa bozoriga eksportni boshlashi mumkin. Bu Ukrainaga qurol yetkazib berish fonida Yevropa Ittifoqi davlatlarining qurolga bo‘lgan ehtiyoji ortgani bilan bog‘liq.
Yevropa davlatlari 200 milliard yevrolik qurol-yarog‘ zaxiralarini tiklash rejalarini e’lon qilgan. Koreya qurollariga talab esa juda yuqori.
Kompaniya rahbari Song Che Ilning aytishicha, Yevropaning bir qancha davlatlari tankka qarshi raketalarni tutib olish texnologiyasiga ega Redback jangovar mashinalarini sotib olishga qiziqish bildirgan.
Kompaniya ishlab chiqarishni Amerikaning Lockheyed Martin korporatsiyasi bilan birgalikda tashkil etishni rejalashtirmoqda.
Avvalroq mamlakatlar yadroviy qurol uchun qancha pul sarflashi ma’lum bo‘lgan edi.
Izoh (0)