Жанубий Кореянинг энг йирик мудофаа пудратчиларидан бири Hanwha Defense НАТО учун ишончли ҳамкорга айланмоқчилигини эълон қилди. Бу ҳақда Financial Times хабар бермоқда.
Компания Европа бозорига экспортни бошлаши мумкин. Бу Украинага қурол етказиб бериш фонида Европа Иттифоқи давлатларининг қуролга бўлган эҳтиёжи ортгани билан боғлиқ.
Европа давлатлари 200 миллиард евролик қурол-яроғ захираларини тиклаш режаларини эълон қилган. Корея қуролларига талаб эса жуда юқори.
Компания раҳбари Сонг Че Илнинг айтишича, Европанинг бир қанча давлатлари танкка қарши ракеталарни тутиб олиш технологиясига эга Redback жанговар машиналарини сотиб олишга қизиқиш билдирган.
Компания ишлаб чиқаришни Американинг Lockheyed Martin корпорацияси билан биргаликда ташкил этишни режалаштирмоқда.
Аввалроқ мамлакатлар ядровий қурол учун қанча пул сарфлаши маълум бўлган эди.
Изоҳ (0)