Shu kunlarda jahondagi jami musulmon ummati tomonidan keng bayram qilinayotgan muqaddas Qurbon hayiti — Iyd al-Adho munosabati bilan O‘zbekiston Respublikasi prezident Shavkat Mirziyoyev nomiga xorijiy mamlakatlarning davlat va hukumatlari, nufuzli xalqaro tashkilotlar va mintaqaviy tuzilmalar rahbarlari, taniqli siyosat va jamoat arboblari, ulamolardan qutlovlar kelmoqda.
Tabriknomalarda O‘zbekiston yetakchisi va ko‘p millatli xalqiga tinchlik-osoyishtalik, farovonlik va ravnaq tilaklari izhor etilgan, mamlakatda barqarorlik va izchil taraqqiyotni ta’minlash borasida amalga oshirilayotgan siyosat to‘liq qo‘llab-quvvatlangan, shuningdek, ikki tomonlama do‘stlik munosabatlari va ko‘p qirrali hamkorlikni rivojlantirishga intilish qat’iy ekani ta’kidlangan.
Quyidagilar o‘z tabriklarini yo‘llagan:
- Misr Arab Respublikasi prezident Abdulfattoh as-Sisi,
- Turkiya Respublikasi prezident Rajab Toyyib Erdo‘g‘on,
- Qozog‘iston Respublikasi prezident Qasim-Jo‘mart To‘qayev,
- Qirg‘iziston Respublikasi prezident Sadir Japarov,
- Tojikiston Respublikasi prezident Emomali Rahmon,
- Turkmaniston prezidenti Serdar Berdimuhamedov,
- Ozarbayjon Respublikasi prezident Ilhom Aliyev,
- Birlashgan Arab Amirliklari prezidenti Muhammad bin Zayd Al Nahayon,
- O‘mon Sultoni Haysam bin Toriq Al Said,
- Iordaniya Hoshimiylar Podshohligi podshohi Abdulla II,
- Kuvayt davlati amiri Navaf al-Ahmad al-Jobir as-Saboh,
- Kuvayt davlati valiahd shahzodasi Mishaal al-Ahmad al-Jobir as-Saboh;
- Falastin davlati prezidenti Mahmud Abbos,
- Birlashgan Arab Amirliklari vitse-prezidenti, bosh vaziri, Dubay amirligi hokimi Muhammad bin Roshid Al Maktum,
- Birlashgan Arab Amirliklari bosh vaziri o‘rinbosari shayx Sayf bin Zayd Al Nahayon,
- Turkiy davlatlar tashkiloti bosh kotibi Bag‘dod Amreyev,
- Turkiy davlatlar tashkiloti Oqsoqollar kengashi raisi Binali Yildirim,
- Iqtisodiy hamkorlik tashkiloti bosh kotibi Husrav Noziriy,
- Kavkaz musulmonlari idorasi raisi shayxulislom Ollohshukur Poshshozoda.
Izoh (0)