“Yuventus” Anxel di Mariya bilan shartnoma imzolanganini e’lon qildi.
“PSJ”ning sobiq futbolchisi bilan kelishuv muddati 2023-yilgacha mo‘ljallangan.
34 yoshli argentinalik futbolchining yiliga 6 million yevro maosh olishi, shuningdek, turli xil bonuslar ham ko‘zda tutilgani haqida xabar berilgandi. Di Mariya turinliklar safida 22-raqam ostida harakat qiladi.
Futbolchi parijliklar safida 7 yildan beri harakat qilib kelayotgandi. Ushbu yozda “PSJ”ni erkin agent sifatida tark etgan di Mariya 2022-yilgi Jahon Chempionatida o‘ynash uchun yana bir mavsumni Yevropada o‘tkazishni va keyin Argentinaga qaytishni rejalashtirmoqda.
Ma’lumot uchun, Anxel 2021/22-yilgi mavsumda barcha musobaqalar doirasida 31 o‘yin o‘tkazib, 5 ta gol va 8 ta golga assistentlik qildi.
Izoh (0)