«Ювентус» Анхель ди Мария билан шартнома имзоланганини эълон қилди.
«ПСЖ»нинг собиқ футболчиси билан келишув муддати 2023 йилгача мўлжалланган.
34 ёшли аргентиналик футболчининг йилига 6 миллион евро маош олиши, шунингдек, турли хил бонуслар ҳам кўзда тутилгани ҳақида хабар берилганди. Ди Мария туринликлар сафида 22-рақам остида ҳаракат қилади.
Футболчи парижликлар сафида 7 йилдан бери ҳаракат қилиб келаётганди. Ушбу ёзда «ПСЖ»ни эркин агент сифатида тарк этган ди Мария 2022 йилги Жаҳон Чемпионатида ўйнаш учун яна бир мавсумни Европада ўтказишни ва кейин Аргентинага қайтишни режалаштирмоқда.
Маълумот учун, Анхель 2021/22 йилги мавсумда барча мусобақалар доирасида 31 ўйин ўтказиб, 5 та гол ва 8 та голга ассистентлик қилди.
Изоҳ (0)