Luka Yovich “Fiorentina”ga o‘tdi.
Florensiyaliklar “Real” hujumchisining transferini to‘laligicha qo‘lga kiritdi. 24 yoshli serbiyalik jamoa bilan 2024-yilgacha mo‘ljallangan shartnoma imzoladi.
Avvalroq Yovich “Fiorentina”ga tekinga o‘tishi, Madrid klubi futbolchining keyingi transfer pulining 50 foizini olishi xabar qilingandi. Shu bilan birga, madridliklar 3 yil davomida Yovichning maoshidan 30 million yevroga yaqin mablag‘ tejab qoladi.
“Real” 2019-yilda Yovich uchun “Ayntraxt”ga 60+5 million yevro to‘lagan. 24 yoshli forvard o‘tgan mavsumda madridliklar safida 19 ta o‘yinda maydonga tushib, 1 ta gol urishga muvaffaq bo‘ldi. U “Real”da o‘ynagan vaqti davomida umumiy hisobda 51 ta o‘yinda 3 ta gol urgan.
Izoh (0)