Лука Йович «Фиорентина»га ўтди.
Флоренцияликлар «Реал» ҳужумчисининг трансферини тўлалигича қўлга киритди. 24 ёшли сербиялик жамоа билан 2024 йилгача мўлжалланган шартнома имзолади.
Аввалроқ Йович «Фиорентина»га текинга ўтиши, Мадрид клуби футболчининг кейинги трансфер пулининг 50 фоизини олиши хабар қилинганди. Шу билан бирга, мадридликлар 3 йил давомида Йовичнинг маошидан 30 миллион еврога яқин маблағ тежаб қолади.
«Реал» 2019 йилда Йович учун «Айнтрахт»га 60+5 миллион евро тўлаган. 24 ёшли форвард ўтган мавсумда мадридликлар сафида 19 та ўйинда майдонга тушиб, 1 та гол уришга муваффақ бўлди. У «Реал»да ўйнаган вақти давомида умумий ҳисобда 51 та ўйинда 3 та гол урган.
Изоҳ (0)