Ижтимоий тармоқларда Жиззахдаги заводда кучук боласи тириклайин куйдирилгани айтилган хабарлар ва ҳолат акс этган фото тарқалганди. Вилоят ИИБ ҳолат юзасидан суриштирув натижаларини эълон қилди.
Зафаробод тумани ИИБ ходимлари томонидан ушбу хабар юзасидан олиб борилган суриштирув ишлари натижаларига кўра, мазкур ҳолатни содир этган шахс «Хуахин» ўзбек-хитой қўшма корхонасида механизатор бўлиб ишловчи хитойлик Ман Минг экани аниқланди.
Қайд этилишича, мазкур ҳолат юзасидан Зафаробод туман ИИБ ҳодимлари томонидан Ман Мингнинг ҳайвонларга шавқатсиз муносабатда бўлгани сабабли унга Маъмурий жавобгарлик тўғрисидаги кодекснинг 111-моддасида (ҳайвонларга нисбатан шафқатсиз муносабатда бўлиш) кўрсатилган ҳуқуқбузарликни содир этгани туфайли маъмурий баённома расмийлаштирилди.
Изоҳ (0)