O‘zbekiston tashqi ishlar vaziri vazifasini bajaruvchi Vladimir Norov Yevropa Ittifoqining Tashqi ishlar va xavfsizlik siyosati bo‘yicha oliy vakili Jozep Borrel bilan telefon orqali muloqot qildi.
TIV matbuot xizmatining xabar berishicha, suhbat davomida O‘zbekiston va Yevropa Ittifoqi o‘rtasida tomonlarni qiziqtirgan sohalarda hamkorlikni rivojlantirish masalalari ko‘rib chiqildi.
2022-yilda O‘zbekistonda o‘tkazilishi kutilayotgan “Yevropa Ittifoqi — Markaziy Osiyo” shaklidagi o‘zaro bog‘liqlik va barqaror rivojlanishni mustahkamlash bo‘yicha vazirlar konferensiyasi hamda Yevropa Ittifoqi va Markaziy Osiyo mamlakatlari tashqi ishlar vazirlarining uchrashuvi bilan bog‘liq masalalar muhokama qilindi.
Yevropa tomonining 25—26-iyul Toshkent shahrida o‘tkaziladigan Afg‘oniston bo‘yicha xalqaro konferensiyada ishtirokiga alohida e’tibor qaratildi.
Yevropa tomoniga Qoraqalpog‘istondagi mavjud vaziyat, vaziyatni beqarorlashtirishga yo‘l qo‘ymaslik, mintaqada tinchlik, osoyishtalik va jamoat xavfsizligini ta’minlash yuzasidan ko‘rilayotgan chora-tadbirlar haqida ma’lumot berildi.
Mavzuga doir:
- Turkiya O‘zbekistonning Qoraqalpog‘istondagi tinchlikni ta’minlash bo‘yicha ishlarini qo‘llab-quvvatlashini bildirdi
- Xitoy O‘zbekiston hukumatining milliy osoyishtalikni ta’minlash borasidagi harakatlarini qo‘llab-quvvatlaydi — Xitoy TIV
- Tojikiston prezidenti ham Shavkat Mirziyoyevning Qoraqalpog‘istonda barqarorlikni ta’minlash borasidagi ishlarini qo‘llab-quvvatladi
- Qirg‘iziston prezidenti Qoraqalpog‘istondagi vaziyatni barqarorlashtirish bo‘yicha ko‘rilgan choralarni qo‘llab-quvvatladi
- Qozog‘iston prezidenti Qoraqalpog‘istonda Mirziyoyev tomonidan ko‘rilgan chora-tadbirlarni qo‘llab-quvvatladi
Izoh (0)