Ўзбекистон ташқи ишлар вазири вазифасини бажарувчи Владимир Норов Европа Иттифоқининг Ташқи ишлар ва хавфсизлик сиёсати бўйича олий вакили Жозеп Боррел билан телефон орқали мулоқот қилди.
ТИВ матбуот хизматининг хабар беришича, суҳбат давомида Ўзбекистон ва Европа Иттифоқи ўртасида томонларни қизиқтирган соҳаларда ҳамкорликни ривожлантириш масалалари кўриб чиқилди.
2022 йилда Ўзбекистонда ўтказилиши кутилаётган «Европа Иттифоқи — Марказий Осиё» шаклидаги ўзаро боғлиқлик ва барқарор ривожланишни мустаҳкамлаш бўйича вазирлар конференцияси ҳамда Европа Иттифоқи ва Марказий Осиё мамлакатлари ташқи ишлар вазирларининг учрашуви билан боғлиқ масалалар муҳокама қилинди.
Европа томонининг 25—26 июль Тошкент шаҳрида ўтказиладиган Афғонистон бўйича халқаро конференцияда иштирокига алоҳида эътибор қаратилди.
Европа томонига Қорақалпоғистондаги мавжуд вазият, вазиятни беқарорлаштиришга йўл қўймаслик, минтақада тинчлик, осойишталик ва жамоат хавфсизлигини таъминлаш юзасидан кўрилаётган чора-тадбирлар ҳақида маълумот берилди.
Мавзуга доир:
- Туркия Ўзбекистоннинг Қорақалпоғистондаги тинчликни таъминлаш бўйича ишларини қўллаб-қувватлашини билдирди
- Хитой Ўзбекистон ҳукуматининг миллий осойишталикни таъминлаш борасидаги ҳаракатларини қўллаб-қувватлайди — Хитой ТИВ
- Тожикистон президенти ҳам Шавкат Мирзиёевнинг Қорақалпоғистонда барқарорликни таъминлаш борасидаги ишларини қўллаб-қувватлади
- Қирғизистон президенти Қорақалпоғистондаги вазиятни барқарорлаштириш бўйича кўрилган чораларни қўллаб-қувватлади
- Қозоғистон президенти Қорақалпоғистонда Мирзиёев томонидан кўрилган чора-тадбирларни қўллаб-қувватлади
Изоҳ (0)