Samarqand viloyatining Past Darg‘om tumanida Nexia va Labo ishtirokidagi YTHda bir kishi vafot etdi.
“Sevimli” kanalining “Zamon” informatsion dasturida ma’lum qilinishicha, voqea 26-iyun kuni soat 15:30 larda Past Darg‘om tumani “Baxshivoyi” mahallasi hududidan o‘tgan ichki yo‘lda yuz bergan.
19 yoshli yigit Nexia’ni haydab ketayotib qoidalarni buzgan holda o‘zidan oldinda ketayotgan mashinasini quvib o‘tmoqchi bo‘lganda qarama-qarshi tomondan kelayotgan Labo bilan to‘qnashgan.
Oqibatda Labo’dagi 33 yoshli haydovchisi og‘ir tan jarohatlari olib, shifoxonaga yotqizilgan. Ammo shifokorlar tomonidan ko‘rsatilgan muolajalarga qaramasdan, vafot etgan.
Qayd etilishicha har ikkala haydovchi haydovchilik guvohnomasiga ega bo‘lmagan.
Holat yuzasidan Past Darg‘om tumani IIB tomonidan Jinoyat kodeksining 266-moddasi 2-qismi bilan jinoyat ishi qo‘zg‘atilgan. Hozirda tergov-surishtiruv harakatlari olib borilmoqda.
Izoh (0)