Самарқанд вилоятининг Паст Дарғом туманида Nexia ва Labo иштирокидаги ЙТҲда бир киши вафот этди.
«Севимли» каналининг «Замон» информацион дастурида маълум қилинишича, воқеа 26 июнь куни соат 15:30 ларда Паст Дарғом тумани «Бахшивойи» маҳалласи ҳудудидан ўтган ички йўлда юз берган.
19 ёшли йигит Nexia’ни ҳайдаб кетаётиб қоидаларни бузган ҳолда ўзидан олдинда кетаётган машинасини қувиб ўтмоқчи бўлганда қарама-қарши томондан келаётган Labo билан тўқнашган.
Оқибатда Labo’даги 33 ёшли ҳайдовчиси оғир тан жароҳатлари олиб, шифохонага ётқизилган. Аммо шифокорлар томонидан кўрсатилган муолажаларга қарамасдан, вафот этган.
Қайд этилишича ҳар иккала ҳайдовчи ҳайдовчилик гувоҳномасига эга бўлмаган.
Ҳолат юзасидан Паст Дарғом тумани ИИБ томонидан Жиноят кодексининг 266-моддаси 2-қисми билан жиноят иши қўзғатилган. Ҳозирда тергов-суриштирув ҳаракатлари олиб борилмоқда.
Изоҳ (0)