Rossiyaning Bolgariyadagi elchixonasining yopilishi mumkinligi haqidagi masala Tashqi ishlar vazirligi tomonidan ko‘rib chiqiladi, zarurat tug‘ilganda prezident Vladimir Putinga tegishli hisobot tayyorlanadi, dedi Rossiya prezidentining matbuot kotibi Dmitriy Peskov.
“Bu masalani Tashqi ishlar vazirligi ko‘rib chiqadi va lozim bo‘lsa, prezidentga ma’lum qiladi”, deydi u.
Bolgariya hukumatining yetmish nafar rossiyalik diplomatni mamlakatdan chiqarib yuborish qarori fonida Rossiyaning Bolgariyadagi elchisi Eleonora Mitrofanova Rossiya hukumati oldida respublikaning Bolgariyadagi diplomatik vakolatxonani yopish masalasini ko‘tarishga va’da berdi. U, shuningdek, Moskva va Sofiya o‘rtasidagi diplomatik aloqalar uzilishini istisno qilmadi.
Avvalroq Bolgariya hukumati mamlakatdan yetmish nafar rossiyalik diplomat chiqarib yuborilishini ma’lum qilgandi.
Izoh (0)