IT Park 22 yoshli G‘olibjon Narzullayevning sohadagi muvaffaqiyatlari to‘g‘risidagi hikoyani taqdim etdi.
G‘olibjon Qashqadaryo viloyatining Kitob tumanida tug‘ilgan. 2019-yilda TATU Qarshi filialiga o‘qishga kirdi.
2021-yilda IT Park hamda Bandlik va mehnat munosabatlari vazirligining FutureSkills Uzbekistan qo‘shma loyihasida o‘qishni boshladi.
9 oylik ta’limdan so‘ng G‘olibjon loyihani muvaffaqiyatli yakunladi va dasturchi sifatida o‘z faoliyatini boshladi.
Bu vaqt ichida G‘olibjon o‘zining Serius jamoasini yig‘ishga muvaffaq bo‘ldi. Jamoa o‘z loyihalari bilan Ideathon va Hack4Region mintaqaviy tanlovlarida sovrinli o‘rinlarni qo‘lga kiritdi.
Hozirda Serius 8 kishidan iborat bo‘lib, ular boshqaruv tizimlarini dasturlash va avtomatlashtirish sohasida yangi loyihalar ustida ishlamoqda.
Bir qancha muvaffaqiyatli loyihalardan so‘ng G‘olibjonga Kitob viloyat IT markaziga ishga taklif qilishdi va u Veb-dasturlash fanidan dars bera boshladi. Hozir G‘olibjon dasturchi bo‘lib ishlaydi va ikkita o‘quv markazida dars beradi.
Avvalroq IT Park 25 yoshida oyiga 1300 dollar ishlab topadigan buxorolik yigit haqida hikoya qilgan edi.
Izoh (0)