IT Park 22 ёшли Ғолибжон Нарзуллаевнинг соҳадаги муваффақиятлари тўғрисидаги ҳикояни тақдим этди.
Ғолибжон Қашқадарё вилоятининг Китоб туманида туғилган. 2019 йилда ТАТУ Қарши филиалига ўқишга кирди.
2021 йилда IT Park ҳамда Бандлик ва меҳнат муносабатлари вазирлигининг FutureSkills Uzbekistan қўшма лойиҳасида ўқишни бошлади.
9 ойлик таълимдан сўнг Ғолибжон лойиҳани муваффақиятли якунлади ва дастурчи сифатида ўз фаолиятини бошлади.
Бу вақт ичида Ғолибжон ўзининг Serius жамоасини йиғишга муваффақ бўлди. Жамоа ўз лойиҳалари билан Ideathon ва Hack4Region минтақавий танловларида совринли ўринларни қўлга киритди.
Ҳозирда Serius 8 кишидан иборат бўлиб, улар бошқарув тизимларини дастурлаш ва автоматлаштириш соҳасида янги лойиҳалар устида ишламоқда.
Бир қанча муваффақиятли лойиҳалардан сўнг Ғолибжонга Китоб вилоят IT марказига ишга таклиф қилишди ва у Веб-дастурлаш фанидан дарс бера бошлади.
Ҳозир Ғолибжон дастурчи бўлиб ишлайди ва иккита ўқув марказида дарс беради.
Аввалроқ IT Park 25 ёшида ойига 1300 доллар ишлаб топадиган бухоролик йигит ҳақида ҳикоя қилган эди.
Изоҳ (0)