Gretsiya AQSHga F-35 qiruvchi-bombardirovkachi eskadrilyalari sotib olish yzuasidan so‘rov xati jo‘natdi, deya xabar bermoqda Associated Press agentligi.
Gretsiya bosh vaziri Kiriakos Mitsotakis bu haqda Madridda o‘tgan NATO sammitida jurnalitlarga ma’lum qilgan. Gretsiya hukumati rahbari mamlakatning mazkur samolyotlardan yana bir qator qo‘shimcha partiyalarini ham qo‘lga kiritish rejalalari borligini inkor etmagan.
“Mazkur jarayonning bir qismi bu so‘rov xatini yuborish hisoblanadi. Biz kuni kecha shu ishni bajardik”, – degan bosh vazir.
U so‘rovni ko‘rib chiqish uzoq vaqt talab etishi, Afina hisob-kitoblariga ko‘ra kelishuv amalga oshadigan bo‘lsa qiruvchi samolyotlarda 2027 – 2028-yillardan oldin Gretsiyaga yetib kelishi juda qiyinligini ta’kidlagan.
Avvalroq Gretsiya Fransiyaning Rafale qiruvchi samolyotlaridan 24 ta buyurtma qilgan, uchoqlarning 6 tasi yangi, 18 tasi esa avval Fransiya harbiy havo kuchlari ixtiyorida bo‘lgani xabar qilingandi. Bundan tashqari greklar Parijdan 3 ta fregat kemasini ham xarid qilishni rejalashtirgan.
Izoh (0)