Indoneziya prezidenti Joko Vidodo Rossiya prezidenti Vladimir Putinga Ukraina prezidenti Vladimir Zelenskiydan xabar yetkazganini aytdi.
“Men prezident Zelenskiyning prezident Putinga xabarini yetkazdim va ikki yetakchi o‘rtasida aloqa o‘rnatishga tayyor ekanligimni bildirdim” — dedi Vidodo Rossiya-Indoneziya muzokaralari yakunida.
U tinchlik masalalari Indoneziya tashqi siyosatining doimo ustuvor yo‘nalishi bo‘lib kelganini ta’kidladi.
“Shu bois men Kiyevga tashrif buyurdim, hozir esa Moskvadaman” — deydi Vidodo.
Uning so‘zlariga ko‘ra, Rossiya va Ukraina o‘rtasida tinch yo‘l bilan kelishuvga erishish va muloqotni yo‘lga qo‘yish muhim.
O‘z navbatida, Rossiya Federatsiyasi prezidentining matbuot kotibi Dmitriy Peskov xabar mazmunidan xabardor emasligini aytdi.
“Men hozircha gap nima haqida ketayotganini bilmayman”, degan Peskov Vidodoning bayonotidan so‘ng darhol xabarning mazmuni haqida so‘ragan jurnalistlarga.
Izoh (0)