“Agar Vilnyus o‘z fikridan qaytmasa, Litvaning Kaliningrad viloyatiga tranzitni taqiqlashiga iqtisodiy javob kerak bo‘ladi, chunki bu harakatlar Rossiya uchun tahdiddir”, dedi Rossiya Xavfsizlik kengashi raisi o‘rinbosari Dmitriy Medvedev Sankt-Peterburg yuridik forumida.
U bu masala bo‘yicha yakuniy qarorni kutishga chaqirib, aniq javob qanday bo‘lishi mumkinligini aytmadi.
“Nima qilish mumkin, hamma yaxshi biladi. Aytmoqchimanki, biz qo‘shni davlatlarmiz. Savdomiz va boshqa aloqalarimiz bor. Bu javobni shu yo‘nalishda ko‘rish mumkin. Asimmetrik javob ham bor, lekin bu iqtisodiy hamkorlikdan tashqarida. Bu allaqachon juda murakkab voqea”, — deydi Medvedev.
Uning so‘zlariga ko‘ra, Kaliningradga tranzitni to‘sib qo‘yish g‘oyasi yo “okeanning narigi tomondan kelgan”, yoki Litva rasmiylari “o‘zlari qandaydir rusofobik hujumda bu qo‘shimcha imkoniyatga o‘ylab topgan”.
Izoh (0)