Rossiya Ukraina bilan “adolatli sulh” tuzmagunicha, unga qarshi sanksiyalar o‘z kuchida qoladi. Bu haqda Germaniya kansleri Olaf Shols G7 sammitida ma’lum qildi, deb yozadi “RBK”.
Tinchlik bitimi shartlari Kiyevga majburlab yuklanmasligi uchun, “Yettilik” mamlakatlari Moskvaga sanksiyalar bilan bosim o‘tkazishda davom etishi kerak, deb hisoblaydi Shols.
May oyida kansler Berlin “Ukrainaga zo‘rlab o‘tkazilgan sulh”ni qabul qilmasligini ta’kidlagandi. U Kiyevga bundan keyin ham yordam berishni va’da qilgan, biroq Rossiya va NATO o‘rtasida harbiy to‘qnashuvga yo‘l qo‘ymaslikka chaqirgan edi.
Ukrainadagi harbiy operatsiya fevral oxirida boshlandi. Jangovar harakatlar boshlanganidan keyin deyarli darhol nizo tomonlari ehtimoliy sulh shartlarini muhokama qila boshladi. Mart oxirida Istanbuldagi uchrashuvdan keyin Rossiya delegatsiyasi Ukraina vakillaridan tartibga solish bo‘yicha takliflarni yozma shaklda qabul qildi, qariyb bir oydan keyin esa Kiyevga o‘z takliflarini topshirdi, ammo undan javob olmadi. Aprelda Kreml Ukrainadagi maxsus operatsiyani muzokaralar yo‘li bilan yakunlamoqchi ekanini ma’lum qildi. Biroq ko‘p o‘tmay, muzokaralar Kiyevning tashabbusi bilan to‘xtatib qo‘yildi: u yerdan ma’lum qilishlaricha, muloqotga Buchadagi voqealar o‘z ta’sirini o‘tkazgan.
Rossiya prezidenti matbuot kotibi Dmitriy Peskov 23-iyun kuni Ukraina Rossiyaning barcha talablarini bajargandan keyin Moskva tinchlik bitimiga tayyor bo‘lishini aytdi.
Ukraina prezidenti Vladimir Zelenskiy may oxirida jangovar harakatlar chog‘ida boy berilgan hududlar qaytarilsagina muzokaralarga rozilik berishini aytdi. Rossiya TIV bunday pozitsiyani tanqid qilib, Kiyevning nizo uchun tinch yechim topish niyatining samimiyligiga shubha bildirdi. Ukraina delegatsiyasi rahbari David Araxamiya iyun boshida muloqot qayta boshlanishi uchun Ukrainaning muzokaralar pozitsiyasini kuchaytirish kerakligini, buni, shu jumladan, xorijdan qurol-yarog‘ yetkazish orqali amalga oshirish zarurligini aytdi. Keyinroq u Kiyevning muzokaralar pozitsiya avgust oxiriga rejalashtirilgan Ukraina qurolli kuchlarining kontrhujumi mustahkamlay olishi mumkinligini taxmin qildi.
Avvalroq Shols Ukraina atrofidagi vaziyat yuzasidan Rossiyaga qarshi kiritilgan sanksiyalar Moskva Kiyev bilan “adolatli kelishuv”ga erishmaguncha kuchda qolishini ma’lum qilgandi.
Mavzuga doir: Shols Putin Rossiyaga “demokratiya uchquni” sachrashidan qo‘rqishini aytdi
Izoh (0)