Tashqi mehnat migratsiyasi agentligi Rossiyaning Krasnodar shahrida pasportlari olib qo‘yilgan fuqarolarga yordam berdi. Bu haqda agentlik axborot xizmati xabar qildi.
Qayd etilishicha, agentlikning Krasnodar o‘lkasidagi vakilligiga qurilish korxonalarida ishlayotgan fuqarolar X.S. va S.U.dan murojaat kelib tushgan. O‘rganishlar natijasida korxonalar rahbariyati tomonidan o‘zbekistonliklarning pasporti olib qo‘yilgani ma’lum bo‘lgan.
Korxonalar rahbariyati bilan o‘tkazilgan muzokaralar natijasida ularning pasportlari olib berilgan. Ish beruvchi vakillari Rossiya Federatsiyasining tegishli huquqiy-me’yoriy hujjatlari bo‘yicha javobgarlikka tortilishi haqida ogohlantirilgan.
Izoh (0)