Ташқи меҳнат миграцияси агентлиги Россиянинг Краснодар шаҳрида паспортлари олиб қўйилган фуқароларга ёрдам берди. Бу ҳақда агентлик ахборот хизмати хабар қилди.
Қайд этилишича, агентликнинг Краснодар ўлкасидаги вакиллигига қурилиш корхоналарида ишлаётган фуқаролар Х.С. ва С.У.дан мурожаат келиб тушган. Ўрганишлар натижасида корхоналар раҳбарияти томонидан ўзбекистонликларнинг паспорти олиб қўйилгани маълум бўлган.
Корхоналар раҳбарияти билан ўтказилган музокаралар натижасида уларнинг паспортлари олиб берилган. Иш берувчи вакиллари Россия Федерациясининг тегишли ҳуқуқий-меъёрий ҳужжатлари бўйича жавобгарликка тортилиши ҳақида огоҳлантирилган.
Изоҳ (0)