Samarqand viloyati Toyloq tumanida noqonuniy valyuta savdosi bilan shug‘ullanuvchi fuqaro ushlandi. Bu haqda Iqtisodiy jinoyatlarga qarshi kurashish departamenti xabar qildi.
Qayd etilishicha, Bosh prokuratura huzuridagi departamentning Samarqand viloyat boshqarmasi tomonidan viloyat Milliy gvardiya bilan hamkorlikda tezkor tadbir o‘tkazilgan. Unda Toyloq tumani “Charog‘bon” mahallasida fuqaro M.Sh. valyuta qimmatliklarini muomalaga kiritish faoliyati shug‘ullanib kelayotgani aniqlangan. U boshqa bir fuqaro E.ga jami 3,7 ming dollarni 40,3 million so‘mga sotgan vaqtida ashyoviy dalillar bilan qo‘lga olingan.
Holat yuzasidan Jinoyat kodeksining 177-moddasi (valyuta qimmatliklarini qonunga xilof ravishda olish yoki o‘tkazish) bilan jinoyat ishi qo‘zg‘atilgan. Hozirda tergov harakatlari o‘tkazilmoqda.
Mavzuga doir:
Izoh (0)