Ijtimoiy tarmoqlarda Farg‘onada bir nechta shaxs o‘zaro janjallashayotgani aks etgan video tarqaldi. Mazkur holat yuzasidan Farg‘ona viloyati IIB axborot xizmati “Daryo”ga ma’lumot berdi.
Ma’lum qilinishicha, joriy yilning 26-iyun kuni fuqaro D.T. 102 qisqa raqamiga qo‘ng‘iroq qilib, fuqaro B.T.ni bir nechta qo‘shnilari urib, tan jarohati yetkazgani haqida xabar bergan. Xabar tegishli tartibda ro‘yxatga olinib, o‘rganish ishlari olib borilgan.
Aniqlanishicha, joriy yilning 22-iyun kuni Rishton tumani “Yangi avlod” mahalla fuqarolar yig‘ini Archazor ko‘chasi 121-uy oldidagi soya joyga fuqarolar J.N. va F.S. Damas avtomashinasida kelib to‘xtagan. Shu joydagi savdo do‘koni egasi B.T. ularga mashinani bu yerga qo‘ymaslikni aytgan. Natijada o‘zaro kelishmovchilik sababli janjal kelib chiqqan. Ushbu janjalga F.S.ning 7 nafar tanishi ham aralashgan.
Hozirda tan jarohati yetkazilganiga aniqlik kiritish yuzasidan sudga oid tibbiy ekspertiza tayinlanib, Rishton tuman IIB tomonidan tergovga qadar tekshiruv harakatlari olib borilmoqda.
Izoh (0)