Abituriyent kiritgan ma’lumotlarini 20 iyulgacha tahrirlashi mumkin — DTM

AOKAda o‘tkazilgan brifingda Davlat test markazi axborot xizmati rahbari Orziqul Boboyev abituriyentlarning onlayn ro‘yxatdan o‘tishi bilan bog‘liq masalalarga izoh berdi.

Qayd etilishicha, abituriyent my.dtm.uz yoki my.gov.uz saytlari orqali test sinovini topshirishda o‘ziga ma’qul hudud, fanlar majmuasi va fanlar ketma-ketligi bir xil bo‘lgan 5 tagacha ta’lim yo‘nalishini tanlaydi. Agar abituriyentning imtiyozi bo‘lsa, u imtiyozlar bo‘limida avtomatik ravishda chiqadi. Imtiyoz chiqmasa, abituriyentga imtiyozni taqdim etgan vazirlik va idoraga murojaat qilishi kerak.

Chet tillari bo‘yicha milliy yoki xalqaro sertifikat mavjudligi to‘g‘risidagi ma’lumotlar abituriyent tomonidan qo‘lda kiritiladi. Ushbu ma’lumotlar tekshiriladi.

Abituriyent kiritgan ma’lumotlarini 20-iyulgacha tahrirlashi mumkin. Masalan, ta’lim yo‘nalishini o‘zgartirish, shu vaqtda chet tilidan sertifikat olsa, uni kiritish, test sinovi topshirish hududini o‘zgartirishi mumkin.

Test imtihonidan o‘tish uchun to‘lovni amalga oshirmaydigan abituriyentlar:

• nogironligi bo‘lgan shaxslar;
• to‘liq davlat ta’minotidagi shaxslar;
• ta’lim muassasalarini joriy yilda tugatgan abituriyentlar.

• ijtimoiy himoya yagona reyestri axborot tizimiga kiritilgan shaxslar va ularning farzandlari;
• yoshlar daftariga kiritilgan yoshlar ham to‘lovdan ozod qilingan;
• raqami kiritilgan telefonni almashtirmaslik kerak (1 ta telefon 1 kishi uchun talabi);
• onlayn ro‘yxatdan o‘tuvchi abituriyentlar uchun yo biopasport yoki ID karta talab etiladi – ikkalasidan bittasi;
• agar tugatgan ta’lim muassasasi nomi chiqmasa, dasturdan “Boshqa o‘quv yurti” tanlanib, u yozma kiritiladi.