Франция қуйи палатасининг янги таркиби раис сайлаб олди. Аввалги спикер президент Макроннинг «Олға, Республика» вакили Ришар Ферран ўз округида ютқазди ва янги парламент таркибига кира олмади. Бу ҳақда «Коммерсантъ» хабар берган.
Франция янги парламенти раиси лавозимига «Олға, Республика» партияси аъзоси, номзоди Яэль Браун-Пиве сайланди. У Францияда бу каби юқори мартабали лавозимни эгаллаган биринчи аёл раҳбар.
51 ёшли адвокат 1930 йилларда Францияга қочиб келган польшалик яҳудий муҳожирлар оиласида вояга етган, у 2017 йилда илк бор параламентга сайланган. Яэль Браун-Пиве аввал Миллий кенгашнинг қонунчилик комиссиясига раҳбарлик қилган.
2022 йилда Яэль Браун-Пиве Францияга тегиши оролларни мувофиқлаштирувчи вазир лавозимида ишлаган. 20 майда у Элизабет Борн ҳукумати таркибига кирди, 25 июнда эса унинг маҳкамасини тарк этиб, раислик лавозими учун курашишга қарор қилди. Яэль Браун-Пивега ўнглар партияси «Республикачилар» номзоди Анни Женевар ва «Миллий бирлашув» аъзоси Себастьян Шеню рақиб бўлганди.
Гарчи Эммануэль Макрон июндаги сайловларда парламентдаги асосий ўрнини йўқотган бўлса ҳам 28 июнда ўтган парламент ички сайловлари президентлик блокининг ўзи учун фойдали қарорлар чиқариш қобилиятига эга эканини кўрсатмоқда.
Изоҳ (0)