Bugun,

  • USD 11095.31
  • RUB 173.84
  • EUR 10772.44

O‘zbekiston hududida xalqaro terrorchilik tashkilotining g‘oyalarini targ‘ib qilib kelgan shaxsga sud hukmi o‘qildi, deya xabar bermoqda Toshkent shahar IIBB.

Foto: Toshkent shahar IIBB

Foto: Toshkent shahar IIBB

Ma’lum qilinishicha, 1990-yilda tug‘ilgan N.S. 2020-yilda Suriya va Turkiyada faoliyat yuritayotgan “Tavhid va jihod katibasi” xalqaro terrorchilik guruhi a’zolari bilan internet tarmog‘i orqali aloqa o‘rnatib, ularning ta’sirida Turkiyaga borgan. So‘ngra jangarilar safiga qo‘shilish maqsadida Suriya hududiga o‘tishga uringan vaqtda Turkiya chegarachilari tomonidan qo‘lga olingan va O‘zbekistonga qaytarilgan edi.

Biroq N.S. yashash manziliga qaytib kelganidan keyin ham jinoiy faoliyatini davom ettirib, internet orqali “Tavhid va jihod katibasi” terrorchilari bilan aloqani qayta tiklagan, ularning g‘oyalarini qo‘llab kelgan hamda o‘z yaqinlari orasida va ijtimoiy tarmoqlar orqali ekstremistik g‘oyalar targ‘iboti bilan shug‘ullangan.

Yuqorida qayd etilgan holatlar yuzasidan fuqaro N.S.ga nisbatan Jinoyat kodeksining 244-1-moddasi (ommaviy tartibsizliklarga va fuqarolarga nisbatan zo‘ravonlik qilishga omma oldida da’vat qilish) bilan jinoyat ishi qo‘zg‘atilgan.

Tergov jarayonida N.S.ga nisbatan insonparvarlik tamoyili asosida tilxat ehtiyot chorasi qo‘llanilgan. Biroq N.S. bu safar ham o‘ziga to‘g‘ri xulosa chiqarmasdan Suriyadagi hamfikrlari safiga qo‘shilish maqsadida O‘zbekiston hududidan yashirincha chiqib ketishga uringanida huquq-tartibot idoralari tomonidan qo‘lga olindi.

Bir necha marotaba imkon berilgan bo‘lsa-da, to‘g‘ri xulosa chiqara olmagan N.S.ga nisbatan sud hukmi bilan 5 yilga ozodlikdan mahrum qilish jazosi tayinlandi.

Izoh
Asosiy yangiliklar
Mahalliy
Rossiya bosh vaziri Mishustin O‘zbekistonga keldi (foto)
Dunyo
“Daryo” kundaligida 1-dekabrda sodir bo‘lgan eng muhim voqealar
Dunyo
Eronda mamlakat terma jamoasining JChdagi mag‘lubiyatini nishonlagan yigit otib o‘ldirildi