Toshkent shahri, Yunusobod tumanidagi sobiq “Toshkentgeologiya” binosi kimoshdi savdosida sotildi. Ma’lumotlar “E-auksion” portalida e’lon qilingan.
Yer uchastkasining umumiy maydoni — 0,18 gektar. Binoning maydoni — 1 828 kvadrat metr. Binoda suv, elektr ta’minoti va kanalizatsiya tizimi bor. Gaz ta’minoti yo‘lga qo‘yilmagan.
Auksionga qo‘yilgan binoning boshlang‘ich bahosi — 13,7 mlrd so‘m edi. Kimoshdi savdosi 23-iyun kuni bo‘lib o‘tgan.
Binoga savdo davomida 32 ta taklif berilgan va auksion 1 soatdan oshiq davom etgan. Oxirgi taklif — 35,7 mlrd so‘m.
Auksion g‘olibi sifatida Profi University ko‘rsatilgan. U O‘zbekistondagi xususiy universitetlardan biri hisoblanadi.
Avvalroq Toshkentdagi 80 xonali ofis binosi 25,6 mlrd so‘mga auksionga qo‘yilgani haqida xabar berilgan edi.
Izoh (0)