Собиқ «Тошкентгеология» биноси аукционда хусусий университетга 35,7 млрд сўмга сотилди

Тошкент шаҳри, Юнусобод туманидаги собиқ «Тошкентгеология» биноси кимошди савдосида сотилди. Маълумотлар «E-auksion» порталида эълон қилинган.

Ер участкасининг умумий майдони — 0,18 гектар. Бинонинг майдони — 1 828 квадрат метр. Бинода сув, электр таъминоти ва канализация тизими бор. Газ таъминоти йўлга қўйилмаган.

Аукционга қўйилган бинонинг бошланғич баҳоси — 13,7 млрд сўм эди. Кимошди савдоси 23 июнь куни бўлиб ўтган. 

Бинога савдо давомида 32 та таклиф берилган ва аукцион 1 соатдан ошиқ давом этган. Охирги таклиф — 35,7 млрд сўм.

Аукцион ғолиби сифатида Profi University кўрсатилган. У Ўзбекистондаги хусусий университетлардан бири ҳисобланади. 

Аввалроқ Тошкентдаги 80 хонали офис биноси 25,6 млрд сўмга аукционга қўйилгани ҳақида хабар берилган эди.