Davlat aktivlarini boshqarish agentligi “Kvars” kompaniyasi ustav kapitalidagi 89,78 foiz aksiyalar paketini sotish rejasini e’lon qilindi. Deloyt xalqaro kompaniyasi ushbu bitim bo‘yicha “UzAssets”ning konsultant vazifasini bajaradi.
“Kvars” qanday kompaniya
“Kvars” O‘zbekistondagi shisha listlari va shisha idishlar ishlab chiqaruvchisi bo‘lib, ichki bozorda shisha qadoqlari va listlari ishlab chiqarishning qariyb 50 foiz hamda shisha bankalar ishlab chiqarishning 95 foiz ulushiga ega.
Kompaniyaning asosiy ishlab chiqarish quvvati Farg‘ona viloyati, Quvasoy shahrida joylashgan bo‘lib, bundan tashqari, qo‘shimcha ikkita nosohaviy qishloq xo‘jaligi va yilqichilik aktivlari mavjud.
“Kvars”ning daromadi 2021-yilda 423 mlrd so‘mni tashkil yetgan, bu 2020-yilga nisbatan 37 foizga o‘sgan.
2021-yil iyun oyida, kuniga 400 tonna silliqlangan oyna ishlab chiqarish quvvatiga ega, yangi ishlab chiqarish liniyasini ishga tushirilgan.
Silliqlangan oyna ishlab chiqarishning bir necha barobar ortishi (kuniga 600 tonnagacha) va O‘zbekistonda unga bo‘lgan talabning yuqoriligi kompaniyaning daromadini 1,5 barobardan ko‘proq oshishiga olib keldi.
Bitimni amalga oshirish uchun arizalar 2022-yil 29-iyul Toshkent vaqti bilan soat 18:00 gacha qabul qilinadi.
Izoh (0)