Navoiy birinchi, Qashqadaryo oxirgi — O‘zbekistonda viloyatlarning biznes reytingi e'lon qilindi

Hukumat qaroriga asosan 2019-yildan buyon O‘zbekistonda tadbirkorlikning rivojlanganlik darajasini aniqlash tartibi joriy etilgan. Shunga asosan hududlarning biznes reytingi ‘‘b-indicator.uz’’ saytida e’lon qilinib kelinmoqda. 

Hududlarda tadbirkorlikning rivojlanganlik darajasini baholash avtomatik tarzda Business Indicator tizimi orqali amalga oshiriladi. 

O‘tgan davrda hududlarning 2019 va 2020-yillardagi biznes reytingi e’lon qilingan bo‘lib, kuni kecha 2021-yilning yakunlari bo‘yicha ham 14 ta viloyat hamda 205 ta tuman (shahar)larning reytingi aniqlandi.

Reyting 17 ta indikator bo‘yicha shakllantirilib, unda 30 taga yaqin mas’ul idoralar tomonidan kiritilgan qariyb 4 mingta statistik ma’lumotlar tahlil qilindi. 

2021-yil biznes reytingida 14 ta hudud ichida 1-o‘rinni Navoiy viloyati egalladi. Ikkinchi o‘rinda Toshkent shahri qayd etilgan bo‘lsa, uchinchi pog‘onada Farg‘ona bo‘ldi. Oxirgi 14-o‘rinni Qashqadaryo viloyati egalladi.

Avvalroq O‘zbekistondagi mikrokredit tashkilotlari va lombardlarning moliyaviy holati ma’lum bo‘lgandi.