Ijtimoiy tarmoqlarda Toshkent shahridagi Evos kafelaridan birida yong‘in chiqqani aks etgan video tarqalgandi. FVV Mirobod tumanida sodir bo‘lgan mazkur yong‘in bo‘yicha rasmiy ma’lumot berdi.
Ma’lum qilinishicha, 22-iyun kuni soat 09:03 da Toshkent shahar favqulodda vaziyatlar boshqarmasiga Mirobod tumani Farg‘ona yo‘li ko‘chasida joylashgan Evos ovqatlanish oshxonasida yong‘in bo‘layotgani to‘g‘risida xabar kelib tushgan.
Voqea joyiga tuman FVB rahbar xodimlari va 4 ta yong‘in-qutqaruv ekipaji jalb etilgan. O‘t o‘chiruvchilar yong‘in sodir bo‘layotgan joyga soat 09:12 da yetib borib, 09:24 da qurshab olgan va yong‘in soat 09:37 da o‘chirilgan.
Yong‘in oqibatida binoning taxminan 60 kvadrat metr maydonda tom hamda oshxona jihozlari yongan, fuqarolarning tan jarohati olish va halok bo‘lish holatlari qayd etilmagan.
Avvalroq Samarqandda bir-biriga tutash omborxona va do‘kon yonib ketgani to‘g‘risida xabar berilgandi.
Izoh (0)