Davlat tashrifi bilan O‘zbekistonda bo‘lib turgan Ozarbayjon prezidenti Ilhom Aliyev 22-iyun kuni Xorazm viloyatiga keldi. Bu haqda prezident matbuot xizmati xabar berdi.
Xorazmda Ilhom Aliyevni O‘zbekiston prezidenti Shavkat Mirziyoyev kutib olgan. Ikki davlat bayroqlari, gullar bilan bezatilgan Urganch xalqaro aeroportida milliy qo‘shiq va raqslar ijro etilgan.
Tashrif chog‘ida Xiva shahrini ziyorat qilish rejalashtirilgan.
Avvalroq Shavkat Mirziyoyev va Ilhom Aliyev Faxriy mehmonlar xiyoboniga ko‘chat ekkani to‘g‘risida xabar berilgandi.
Ilhom Aliyev tashrifining birinchi kuni
Shavkat Mirziyoyev taklifiga binoan Ozarbayjon prezidenti Ilhom Aliyev 21-iyun kuni davlat tashrifi bilan O‘zbekistonga keldi. Ozarbayjon prezidentining O‘zbekistonga tashrifi Haydar Aliyev sharafiga nomlangan ko‘cha va uning yodgorligi ochilishidan boshlandi. Shundan so‘ng Ozarbayjon prezidenti Shavkat Mirziyoyev hamrohligida “Yangi O‘zbekiston” bog‘iga tashrif buyurib, Mustaqillik monumenti poyiga gul qo‘ydi.Keyinroq Ko‘ksaroyda Ilhom Aliyevni rasmiy kutib olish marosimi bo‘lib o‘tdi. Marosimda O‘zbekiston va Ozarbayjon rasmiy delegatsiyalari a’zolari ishtirok etdi. Avval tor doirada, so‘ng kengaytirilgan tartibda muzokalar o‘tkazildi. Davlat rahbarlari strategik sheriklikni chuqurlashtirish va har tomonlama hamkorlikni kengaytirish to‘g‘risidagi deklaratsiyani imzoladi. Shundan so‘ng OAV uchun brifing o‘tkazildi.
Tashrif O‘zbekiston va Ozarbayjon prezidentlarining Toshkentdagi Texnoparkni borib ko‘rishi bilan davom etdi.
Izoh (0)