Ижтимоий тармоқларда Тошкент шаҳридаги Evos кафеларидан бирида ёнғин чиққани акс этган видео тарқалганди. ФВВ Миробод туманида содир бўлган мазкур ёнғин бўйича расмий маълумот берди.
Маълум қилинишича, 22 июнь куни соат 09:03 да Тошкент шаҳар фавқулодда вазиятлар бошқармасига Миробод тумани Фарғона йўли кўчасида жойлашган Evos овқатланиш ошхонасида ёнғин бўлаётгани тўғрисида хабар келиб тушган.
Воқеа жойига туман ФВБ раҳбар ходимлари ва 4 та ёнғин-қутқарув экипажи жалб этилган. Ўт ўчирувчилар ёнғин содир бўлаётган жойга соат 09:12 да етиб бориб, 09:24 да қуршаб олган ва ёнғин соат 09:37 да ўчирилган.
Ёнғин оқибатида бинонинг тахминан 60 квадрат метр майдонда том ҳамда ошхона жиҳозлари ёнган, фуқароларнинг тан жароҳати олиш ва ҳалок бўлиш ҳолатлари қайд этилмаган.
Аввалроқ Самарқандда бир-бирига туташ омборхона ва дўкон ёниб кетгани тўғрисида хабар берилганди.
Изоҳ (0)