Bortida 126 kishi bo‘lgan samolyot AQSHning Mayami xalqaro aeroportiga qo‘nganidan so‘ng yonib ketdi. Bu haqda NBC Miami xabar berdi.
Xabarga ko‘ra, yong‘inga qo‘nish chog‘ida samolyot shassisining shikastlanishi sabab bo‘lgan. Aviatsiya departamenti vakiliga ko‘ra, Red Air reysi Dominikan Respublikasining Santo-Domingo shahridan uchib kelgan.
Layner bortida 126 kishi bo‘lgan, ulardan uch nafari yengil jarohatlar bilan kasalxonaga yetkazilgan. Boshqa yo‘lovchilar avtobusda samolyotdan terminalga olib ketilgan.
O‘t o‘chiruvchilar va qutqaruvchilarning ma’lum qilishicha, samolyotdagi yong‘in tezda nazoratga olinib, yonilg‘i sizib chiqqan joylar bartaraf etilgan.
Izoh (0)