Reuters agentligi 23-24-iyun kunlari bo‘lib o‘tadigan YI sammiti uchun tayyorlangan takliflar loyihasiga tayanib xabar berishicha, Rossiya Federatsiyasining oltini YIning navbatdagi cheklovlar paketi doirasida Yevropa sanksiyalarining yangi nishoniga aylanishi mumkin.
“Rasmiy shaxslarning so‘zlariga ko‘ra, hozirda yangi paket tayyorlanmasa-da, ta’sir ko‘rsatishi mumkin bo‘lgan sektorlarni aniqlash bo‘yicha ishlar davom etmoqda ... oltin keyingi mumkin bo‘lgan nishondir”, — deya tushuntiradi agentlik.
Reuters ma’lumotlariga ko‘ra, sanksiyalar oltinga ta‘sir qilishi mumkinligini taxmin qilgan davlatlardan biri Daniya. Reuters agentligiga sanksiya ishlari bilan tanish bo‘lgan manbaning aytishicha, Yevropa komissiyasi sanksiyalarning navbatdagi bosqichiga rus oltinini qo‘shish ustida ishlamoqda.
Reuters xabariga ko‘ra, yangi hujjatda to‘g‘ridan to‘g‘ri sanksiyalarning yettinchi paketi haqida so‘z yuritilmaydi va bu ittifoq a‘zolarining turli pozitsiyalari o‘rtasidagi kelishuv bo‘ladi.
Shu tariqa Skandinaviya va Sharqiy Yevropa davlatlari zudlik bilan yangi sanksiyalar joriy etishni, Germaniya va Niderlandiya esa mavjud choralarni qo‘llashga e’tibor qaratishni taklif qildi.
Oltin Rossiya Markaziy bankining asosiy aktivlaridan biridir. Harbiy amaliyot boshlanganidan so‘ng Markaziy bankning 300 milliard dollarga yaqin oltin-valyuta aktivlari G‘arb sanksiyalariga muvofiq muzlatib qo‘yildi.
Mart oyi oxirida AQSH G‘aznachiligi tushuntirishlar e‘lon qildi, undan kelib chiqadiki, Markaziy bank oltini bilan bog‘liq har qanday operatsiyalar sanksiyalar bilan xavfi ostida qoladi. Rossiya Markaziy banki zaxiralarining qariyb yarmi oltinda saqlanadi.
Rossiyadagi ikkinchi yirik oltin qazib oluvchi “Polimetall” kompaniyasi vakillarining ta’kidlashicha, ishlab chiqaruvchi G‘arb sanksiyalari ostida qolmagan bo‘lsa-da, transport kompaniyalarining uskunalarni tashishdan bosh tortishi ularning faoliyatiga ta’sir ko‘rsatgan.
Izoh (0)