Shavkat Mirziyoyev O‘zbekiston Konstitutsiyasiga o‘zgartirish kiritish va tashkiliy chora-tadbirlarni amalga oshirish yuzasidan Konstitutsiyaviy komissiya a’zolari bilan o‘tkazilayotgan uchrashuvda sudlangan shaxsning qarindoshlari huquqlarini cheklamaslikni Konstitutsiyada belgilashni taklif qildi. Bu haqda davlat rahbarining matbuot kotibi xabar berdi.
Esingizda bo‘lsa, Konstitutsiyamiz qabul qilinganining 25 yilligiga bag‘ishlangan marosimda yaqin qarindoshlari sudlangan, deb fuqarolarni ishga qabul qilmaslik yoki yuqori lavozimlarga tayinlamaslik bilan bog‘liq masalaga alohida to‘xtalgan edim.Avvalroq Shavkat Mirziyoyev nima uchun konstitutsiyaviy islohotlar o‘tkazilayotganiga izoh bergani, Konstitutsiyaga “O‘zbekistonda o‘lim jazosi taqiqlanadi” degan normani hamda “Miranda qoidasi”ni kiritishni taklif qilgani to‘g‘risida xabar berilgandi.Nima sababdan bir jinoyat uchun butun avlod javob berishi kerak? Otasining qilmishi uchun nega farzandlari yoki aka uchun uka javob berishi lozim? Bunday adolatsiz “tizim”dan endi butunlay voz kechamiz. Chunki xalqimizga nisbatan sobiq tuzum davrida, ayniqsa, o‘tgan asrning 30-yillaridagi siyosiy qatag‘onlarning o‘zi yetarli emasmi?!
Shu bois Konstitutsiyamizga “Shaxsning sudlanganligi va undan kelib chiqadigan huquqiy oqibatlar uning qarindoshlari huquqlarini cheklashga asos bo‘lishi mumkin emas”, deb qat’iy yozib qo‘yishimiz kerak.
“Ozodlikdan mahrum etilgan barcha shaxslarga nisbatan insoniy munosabat va ularning qadr-qimmati ta’minlanishi shart”, degan norma ham asosiy qonunimizda o‘z aksini topishi zarur.
Shavkat Mirziyoyev, O‘zbekiston prezidenti
Izoh (0)